Mohsin Poetry

Khud he hain bais-e-takleef, hum apnay liye M0hsin...
Na hum hotay na dil hota , Na dil azaariyan hotien....

..................................................................

Teri yaad jo seenay se laga rakhi hai.......
Humne dunia main alag dunia basa rakhi hai

Humko maloom nahin chahat k takazay lekin
Humne teri baton k siwa her baat bhula rakhi hai

Safar mushkil hai maloom hai lekin Mohsin
Tu hmrah hai to her fikr mita rakhi hai

Tu bhula de to bhula de lekin humne
Teri khushbu bhi taveez bana rakhi hai

TEri batain tera lehja tera chehra humdam
Tujh mn Khaliq ne her cheez juda rakhi hai

Tu beshak he chala ja magar itna tou bta ja
Humne chahat mn teri kia kasar utha rakhi hai

Tu alag ho to her baar yun lagta hai
Jese zindagi mout k pehlu mn bitha rakhi ha...

...........................................................................

Meri palkon pe sulagte huay sadiyon kay najoom
Teri ankhon pe utarte huay ilhaam k naam
mere bujhte huay honton pe ghazal ki khwahish
Teri zulfon se mehakti hui ik sham k naam..

............................................................................

Nhi MOHSIN Ko Tum Se Shikwa Tumhari Aisi Sitamgeri Ka

K Tum Ko Dars-e- Wafa Mila Hai Udaas Rehna Udaas Rakhna...

................................................


Udaasì Tum par beety gì, To tum bhi jano gay Mohsin
Koi nazar andaz kary To kitna dard hota hy.......
.................................................



Humein shikwa nahi kisi se apne bhool jane ka Mohsin

Hum is qabil hi kahan they k kisi ko yaad reh jatey.
.................................................



Wafa mein Ab yeh hunar Ikhtiyaar karna hai..
Woh sach kahay na kahay aaitbaar karna hai..

Yeah tujh ko jaagtay rehnay ka shouq kab say hua ?
Mujhay tu khair tera intazar karna hai

Hawa ki zad mein jalanay hain ansoon k chiraagh
Kabhi yeah jashan sar e rah?guzaar karna hai

woh muskura kay naey waswasoon mein daal gaya
Khayaal tha k ussay sharamsaar karna hai

Misaal e shaakh e barhana khizan ki rut mein kabhi
Khud apnay jisam ko bey barg o baar karna hai

terey firaaq mein din kis tarha kattain apnay
Keh shughal e shab tu sitaray shumaar karna hai

Chalo ye ashak hi moti samajh kay baich aein
Kisi tarha tu humain rooz?gaar karna hai

Kabhi tu dil mein chupay zakham bhi numayaan hoon
Qaba samajh kay badan taar taar karna hai

Khda janey ye koi zid, k shouq hai mohsin
Khud Apni jaan kay dushman say payaar karna hai

..................................................



Wo Mohabbaton K Sauday Bhi Ajeeb Kerta Hai Mohsin…
Bas Muskurata Hai Aur Dil Khareed Leta Hai..!!!

................................................



Usay Paana, Usay Khona, Ussi Ke Hijr Mein Rona
Yehi Gar Ishq Hai Mohsin, To Hum Tanha Hi Achay Hain !


....................................................



Zoq-e-Deed Mein Hy Takleef hr Roz Sara’sar
“Mohsin”
Achy rehte Hn Wahi Log Jo Mohabbat Nahi Karte…


.....................................................



‘Yun Wafa Kay Silsilay Musalsal Na Rakh Kisi Say….! Mohsin
Log ik Khata Ky Badly,Saari Wafaein Bhool Jaaty Hain.!!

.....................................................



Mumkin hai tery baad bhi aati hon gi baharen Mohsin
Gulshan main tery baad kabhi ja kr nahi dekha…


....................................................


MeRi AaNkHooN MaIn ChUpI UdAsI Ko MeHsOs To KaR
“~*MoHSiN*~”
MaIn SaB Ko HaNsA KaR KhUd RaaT BhAr NaHi SoTi…..!!


...............................................



Dekhi hai berukhi ki aj hum ny inteha Mohsin,
Hum py nazar pari to “wo mahfil sy uth gay…..


...............................................
..



Rait Par Likh Kar Mera Naam Mitaya Na Karo
Aankhen Sach Bolti Hain Piyar Chupaya Na Karo,

Log Har Baat Ka Afsaana Banaa Lete Hain
Sab Ko Rudaad-e-Gham-e-Ishq Sunaaya Na Karo,

Yeh Zaroori Nahi Har SHaks Maseeha Hi Ho
Piyar Kay Zakhm Amaanat Hain Dikhaya Na Karo,

Shaher-e-Ehsaas Mein Pathraao Boht Hai “Mohsin”
Dil Ko Sheeshe Kay Jharokon Mein Sajaaya Na Karo.

.................................................




Tujhay Udaas Bhi Karna Tha Khud Bhi Rona Tha..!!
Ye Haadsa Bhi Meri Jaan Kabhi Tou Hona Tha..!!

Namuu Ka Runj Na Abar Guraiz-pa Say Malaal..!!
Ke Mujhko Baanjh Zameenon Mein Beej Bona Tha ..!!

Ye Kia K Gard-e-Raah-e-Raf’tagaan Ko Oar Liya..!!
Kafan Ka Daagh Badan Kay Lahoo Say Dhona Tha..!!

Jo Dastaan Usey Kehna Thi Phir Na Guftaa Rahi ..!!
Ke Main Bhi Thak Sa Gaya Tha,, Usey Bhi Sona Tha..!!

Mein Takht-e-Abar Par Soya Tha Raat Bhar Mohsin..!!
Khuli Jo Aankh Tou Sehra Mera Bichhona Tha..!!!

..................................................



Ek Chehra Jo Mere Khwaab Sajaa Deta Hai
Mujh Ko Mere Hee Khayaalon Mein Sadaa Deta Hai

Wo Mera Kon Hai Maloom Nahi Hai Laikin
Jub Bhi Milta Hai Tou Pehluu Mein Jagaa Deta Hai

Mein Jo Andar Se Kubhi Toot Ke Bikhruun
Wo Mujh Ko Thaamnay Ke Lye Haath Barha Deta Hai

Mein Jo Tanha Kubhi Chupkay Se Bhi Rona Chaahun
Tou Dil Ke Darwaazay Ki Zanjeer Hila Deta Hai

Os Ki Qurbat Mein Hai Kia Baat Na Jaanay “Mohsin”
Ek Lamhay Ke Lye Sadyon Ko Bhula Deta Hai


..................................................


Usko fursat hi nahi
waqt nikaly Mohsin
Aisy hoty hain bhala
Chahny waly Mohsin

Yaad k dasht me phirta hon
Main nangy paon
Dekh to aa k kabi
Paon k chhaly Mohsin

Kho gai subho ki umeed
or ab lgta hai
Hum nahi hon gay
K jb hon gy ujaly Mohsin

Wo jo ik shakhs
Mtaa-e-dil-o-jan tha
Na raha
Ab bhala kon mery
Dard sambhaly Mohsin.
.................................................

Muu’n chupaaye huye guzra hai idhar se jo woh aaj,
Us ki aankhon mein koi zakham neya lagtaa hai….
....................

tu ne us morr pe torra ha ta-alluk k jahan
laut sakta nahin koi bhi palat kr jana...

ab ye alam hai k ankhain jo khulain gi apni
yaad aye ga teri deed ka manzar jana...

mujh se mange ga tere ehd-e-mohabbat ka hisab
tere hijraan ka dehakta hua mehshar jana...

yun mere dil k brabar tera gham aya hai
jese sheeshay k mhkabil koi pathar jana...

jese mehtaab ko be-ant samandar chahe
main ne es tor se chaha tujhe aksar jana...

..................................................................

Fiza Ka Habs Shagoofoon ko baas kaya de ga ?
badan dareeda kissi ko libaas kaya de ga ?

ye dil k qehat e ana say ghareeb thehra hai !
meri zubaa'n ko zar e altaamas kaya de ga ?

jo de saka na paharoo'n ko baraf ki chadar !
wo meri baanjh zamee'n ko kapaas kaya de ga ?

ye shehar, yun bhi tu deh-shat bhara nagar hai, yahaa'n !
diloo'n ka shor hawa ko haraas kaya de ga ?

wo zakhm de k mujhe hosla bhi deta hai !
ab ess se barh k tabiyaat shanaas kaya de ga ?

jo apni zaat se bahir aa na saka ab tak !
wo pathro'n ko mata e hawaas kaya de ga ?

wo mere ashk bujhaaye ga kis tarhaa'n MOHSiN ?
samandaro'n ko wo sehra ki pyaas kaya de ga ?

...............................................................................

na shorish-e-gham-e-doran na khud-sari apni
bohat dino se hai gum-sum sukhanwari apni...

na shoq-e-khana badoshi na wussaton ki hawas
basa gai hamen sehra mein bay-ghari apni...

ujaarr dil yehi chup chap sa qoh-e-qaaf apna
yahien kahin kabhi rehti thi ik pari apni...!

usi ka naqsh hai ab tak mata-e-jaan MOHSiN
hui thi jis se mulaqaat sar-sari apni....!!!

...................................................................

Tamam umer wohi qissa-e-safar kehna
k a saka na hamen apnay ghar ko ghar kehna

jo din charhay to tere wasil ki dua karna
jo raat ho to dua ko he be-asar kehna

wo shakhs mujhse boht badguman sa rehta hai
ye baat us se kaho bhi to soch kar kehna

kabhi wo chand jo puchay k shehr kesa hai?
bujhay bujhay huay lagtay hain baam-o-dar kehna

hamaray baad azizo, hamara afsana !!!
kabhi jo yaad bhi aye to mukhtasir kehna

wo aik mn k mera shehr bhar ko apnay siwa
teri wafa k takazoon se be-khabar kehna

wo aik tu k tera her kisi ko mere baghair
muamlaat-e-mohabbat men motabar kehna

wafa ki tarz hai Mohsin k maslihat kia hai
ye tera dushman-e-jaan ko b chara-gar kehna......

............................................................................

 

Ajab hein rastay mere k chalna bhi nahin mumkin
zraa thokr jo lag jay sambhalna b nahin mumkin

tera chehra meri nazron men dhundla sa na ho jay
K ab bheegi hui ankhon ko malna b nahin mumkin

miley hen baad mudat K bala K sard hen lehjay
K jalna b nahin mumkin pighalna b nahin mumkin

ta'alluq toot jane se umeeden toot jati hain
dilon men hasraten lekr behalna b nahin mumkin

usay itna na socha kar tujhay adat na parr jaye
phir aisi adaten MOHSiN badalna b nahin mumkin.....

 

..........................................................................................